عيالي رموني

ولادي يوم عيد الام رموني في دار مسنين 
الاول
وقبل ما نبدا حكايتنا اعرفكم علي بطلتنا النهارده واللي اسمها الست سميه وعندها 60 سنه ومعاها ولدين وبنت وهما التلاته متجوزين وهي عايشه في بيت ابنها الكبير كرم اللي كان متجوز بنت عمته ومعاه ولد وبنت توام عندهم عشر سنين
وفي يوم كانت قاعده مع بنت ابنها بيتفرجو علي التلفزيون وجات شيماء مرات ابنها وقالت بعصبيه

شيماء
انتي هتفضلي يا وليه انتي قاعده كده وانا اشتغلك تنضيف وترويق لتكوني يا حبيبتي فاكراني الشغاله اللي جبهالك ابنك
سميه بحزن 
ولازمته ايه يا بنتي الكلام ده اا
زعقت فيها شيماء وقالت
بنت مين يا حبيبتي لااا فوقي كده واتكلمي معايا عدل هو انتي هتقارني نفسك بامي ولا ايه
سميه 
يا ستي امك احسن واحده وانا ما اجيش جنبيها حاجه قوليلي بس انا دايقتك في ايه ما انا قاعده كافيه خيري شړي اهو
شيماء 
من الاخر كده انا مش عاجبني موضوع انك تبقي قاعده وانا انضف واروك مكاني
سميه بدموع 
فين بس الكلام ده يا بنتي انا كل اللي قاعده عليها حتة الكنبه دي ده انتي حته عامله اوضه لبنتك ورمياني هنا علي الكنبه
شيماء 
اتمسكني يا اختي اتمسكني يس الشويه دول يدخلو عليابنك مش عليا وانتي يا بت يا ملك قومي من هنا يلا روحي اترزعي جوه
سميه 
طيب بشويش علي البت حرام عليكي
شيماء 
وانتي مالك انتي بقي بنتي وانا حره فيها اعمل اللي انا عايزااه وقومي يلا امسحي الشقه دي
ضحكت سميه بسخريه وقالت 
ههههه انتي بتهزري يا بنتي اقوم ازاي ده انا بتسند علي العصايه عشان ادخل الحمام
شيماء
يعني مش هطلع منك باي مصلحه علي راي المثل اكل ومرعي وقلة صنعه يا شيخه ربنا ياخدك ويريحنا منك ...قالت كلامها ودخلت المطبخ وسميه عيطت وقالت
سميه 
ربنا يسامحك يا مرات ابني ربنا يسامحك
وبعد شويه رجع كرم ابنها من الشغل واول ما دخل قرب من سميه وقالها وهو بيبوس ايدها
كرم 
ازيك يا ست الكل عامله ايه 
سميه 
الحمد لله يا حبيبي بخير طول ما انت بخير اخبراك ايه واخبار الشغل معاك يا حبيبي
رد عليها وقال
الحمد لله يا امي الحال بقي
غالي اووي واهو هاجي ارتاح شويه وانزل تاني اروح القهوه اللي شغال فيها
سميه بحزن 
حقك عليا يا ابني انا متقله عليك اووي وانت حالتك صعبه
وقبل ما يرد عليها طلعت شيماء من المطبخ وقالت 
ليه بس بتقولي كده يا ماما هو احنا لينا بركه الا انتي
كرم 
اهي يا ستي بنتك الرابعه ردت عليكي معلش يا شيماء لحد ما اغير هدومي جهزيلنا الاكل وهاتي والولاد ونتغدي كلنا النهارده مع ماما واعملي فراخ زياده ماما لازم تاكل عشان العلاج اللي بتاخده
شيماء 
من عينيا يا حبيبي روح انت بس غير هدومك لحد ما اجهز الاكل
كرم 
حاضر يا حبيبتي ....ودخل كرم جوه
شيماء
فرحانه انتي اكيد ومبسوطه دلوقتي عارفه يا وليه انتي لو كلتي